Dagen

«[...] Det motkulturelle innsteget til Kullerud er tiltalande. Ved å ha blikket vend mot sakene, verdiog kulturkampen kjem særpreget fram. Boka har dermed blitt noko meir enn ei snever avishistorie. Forfattaren har fått med viktig element av kulturhistoria vår med både nasjonale og internasjonale nedslagspunkt. Og det er eit pluss for boka. Med ei trongare tilnærming kunne resultatet blitt ei internhistorie som berre den indre krinsen ville hatt glede av.

DRIV OG DYNAMIKK
Så kan Kullerud både faget og handverket. For å få fram poenga sine fylgjer han ikkje alltid den «naturlege» kronologien. Dermed blir det også ein del overgangar som til tider kjem noko bardust på. Som bladmann har han stor sans for det dramatiske, kontrastfylte, effektfulle og anekdotiske. Framstillinga er prega av driv og dynamikk. Her er få om nokon daudpunkt.»

– Lars Gaute Jøssang, Dagen